Ikatulo Sugo

 Ikatulo Sugo

Exodo 20:7

 

“Dili nimo gamiton sa walay bili ang ngalan ni Yahweh nga imong Dios, kay si Yahweh dili magapabilin nga walay silot ang usa nga magagamit sa walay bili ang Iyang ngalan.”

1.       Unsa ang ngalan sa Ginoo nga imong Dios?

2.       Giunsa nimo pagdala sa ngalan sa Dios sa walay bili?

3.       Ngano nga ang Ginoo dili magapabilin nga walay silot ang nagabuhat niini?

Ang New Revised Standard Version nagtudlo sa Ikatulong Sugo: “Dili nimo himoon ang sayop nga paggamit sa ngalan ni Yahweh nga imong Dios, kay si Yahweh dili magapasaylo sa bisan kinsa nga magagamit niini sa sayop nga paagi.” Ang kahulogan sa Hebreohanon nga pulong “nasa” nga gitranslate nga sayop nga paggamit ug pag-abusar — pagdala sa walay bili sa ubang hubad — mao ang: paglimbong; pagpanikas; daotang tuyo; bakak; kawalay pulos; kawang (Vine’s Complete Expository Dictionary of Old and New Testament Words, Deceit).

Ang pagbaton ug relasyon sa Dios nagakinahanglan nga atong irepresentar Siya sa hustong paagi, tinuod ug matinahuron — dili pinaagi sa pagpanumpa ug pagyatak sa Iyang ngalan pinaagi sa binuang ug walay pulos nga pulong.

Ang labing klaro nga paagi sa paglapas sa Ikatulong Sugo mao ang paggamit sa ngalan sa Dios sa pagpanumpa — paggamit sa ngalan sa Dios sa hugaw, bastos, ug walay respeto nga mga pulong ug jargon. Ang pagyatak sa ngalan sa Dios — o sa Iyang Anak nga si Jesu-Cristo — halos tanang nasud sa kalibutan nagabuhat niini. Sukad pa sa sugod sa kasaysayan, kadaghanan sa tawo wala gayud nagpakita sa hustong pagtahod ngadto sa Dios nga angay Niyang madawat.

Apan ang pagpanumpa dili mao ra ang paagi nga atong abusohon ang ngalan sa Dios. Ang bisan kinsa nga walay pagtagad nga maggamit sa ngalan sa Dios — o ni Cristo — sa matag-adlaw nga istorya nagapakita nga wala gyud siya makaila sa Dios sama sa angay unta niya. Apan makalibog, basin nagtuo pa siya ug nagapanuko nga kaila siya sa Dios.

Sa pipila ka paagi, pareho siya kang Job, nga sa sinugdan nagsulti sa iyang panan-aw bahin sa Dios — apan sa diha nga gipakita sa Dios kaniya nga ang garbo mao ang nagdala sa iyang panghunahuna. Sa katapusan si Job nakaila nga wala pa gyud siya makaila sa Dios sama sa iyang gituohan. “Nakadungog ako bahin kanimo pinaagi sa pagpamati sa dunggan, apan karon nakakita na ang akong mata kanimo” (Job 42:5).

Daghan ang nakadungog og daghan bahin sa Dios ug walay pagtagad nga nagtuo nga ila Siyang nailhan — nga naa sila’y husto nga relasyon Kaniya. Apan wala pa gyud sila nakakat-on sa tinuod nga pagtahod Kaniya.

Ila Siyang ginadegrade pinaagi sa walay hunahuna nga paggamit sa Iyang ngalan sa kasagarang panagsulti. Dili nila kabubut-on nga ipakita sa uban nga ang pagtahod sa Dios dili gyud importante kanila, bisan pa man nagtuo sila nga Siya nag-existir.

Bisan unsaon pa nato ug tan-aw kini nga klase nga kawalay respeto, klaro ang Ikatulong Sugo nga ang Dios mismo dili magtan-aw niini nga yano lang — “kay si Yahweh dili magapabilin nga walay silot ang nagagamit sa Iyang ngalan sa walay bili.” Ang pag-abusar sa Iyang ngalan sa bisan unsang paagi nagapahugaw sa atong espirituhanong baruganan sa atubangan sa Dios.

Kadaghanan kanato nakabuhat na niini. Sama kang Job, tingali kinahanglan nato nga usbon — o hangtod karon kinahanglan pa nato — nga i-rebisa ang atong kaugalingong batasan ngadto sa atong Magbubuhat. Sa diha nga si Job nakasabot sa tinuod nga problema sa iyang kawalay respeto, iyang nakita ang iyang kaugalingon sa tinuod nga kahimtang ug miingon: “Busa gikasilagan ko ang akong kaugalingon, ug naghinulsol ako sa abog ug sa abo” (Job 42:6).

Sa mao gihapon nga paagi, kinahanglan nato maghinulsol sa mga batasan nga nagadala kanato sa kawalay respeto. Kinahanglan bantayan nato ang atong sinultihan ug tratuhon ang ngalan sa Dios uban sa pagtahod.

Si Jesu-Cristo nagapadayag sa Dios sa hingpit nga paagi.

Unsa ang ngalan sa Ginoo nga imong Dios?

Exodo 3:13-14 — “Ako mao ang Ako.”

Proverbio 30:3-4 — “Unsa ang Iyang ngalan ug ngalan sa Iyang Anak?”

Exodo 23:20-21 — “Ang akong ngalan anaa kaniya.”

Exodo 34:14 — “Yahweh, nga ang Iyang ngalan mao ang Masinahon, usa ka Dios nga masinahon.”

1 Corinto 6:11, 19 — “Gitunli kamo sa ngalan sa Ginoong Jesus.”

Giunsa nimo pagdala ang ngalan sa Dios sa walay bili?

1 Timoteo 6:1 — Kung ang mga alagad dili motahod sa ilang amo, ang ngalan sa Dios ug doktrina maoy ma-blaspheme.

Isaias 29:13 / Marcos 7:6 — “Kining katawhan nagpasidungog kanako pinaagi sa ilang ngabil, apan ang ilang kasingkasing layo gikan kanako.”

Mateo 7:21-23 — Daghan moingon: “Ginoo, Ginoo” apan dili tanang nagasulti makasulod sa Gingharian.

Proverbio 30:8-9 — Ang kakabus ug pagkadato mahimong mosangpot sa pagdumili ug pagdaot sa ngalan sa Dios.

Ngano nga ang Ginoo dili magapabilin nga walay silot?

Ezekiel 36:20-21 — Ang balay sa Israel nagpasipala sa balaan nga ngalan sa Dios taliwala sa mga nasud.

Ezekiel 20:27 — Ang ilang mga amahan nag-blaspheme batok sa Dios.

Roma 2:24 — “Ang ngalan sa Dios gi-blaspheme taliwala sa mga Gentil tungod kaninyo.”

Tito 1:16 — Nagaangkon nga kaila sa Dios, apan pinaagi sa ilang binuhatan nagadumili Kaniya.

Juan 9:41 — “Karon nagaingon kamo, ‘Kita nakakita.’ Busa ang inyong sala nagpabilin.”

> Ikaupat Sugo